Хятад иргэдийг Замын-Үүдэд тусгаарлаад Улаанбаатар луу нэвтрүүллээ

Админ
2020/09/25

Цар тахлын эрсдэлтэй энэ цаг үед БНХАУ-аас их хэмжээний Хятад иргэн ирж байна гэх шүүмжлэл сошиалд өрнөж байгаа. Тэгвэл Хятад иргэдийг ямар учраас Монгол Улсын хилээр нэвтрүүлж байгаа талаар Улсын онцгой комиссоос товчхон мэдээлэл өгсөн юм.  Улаанбаатар хотод Худалдаа хөгжлийн банкны барилгад ажиллах "Чайна стейт констракшн монголиа" ХХК-ийн 28, Дундговь аймгийн Говь-Угтаал суманд Зүүн тойрмын уурхайн бүтээн байгуулалтад оролцох "Чинхаш" ХХК-ны 23, нийт БНХАУ-ын 51 инженер техникийн ажилтан ирсэн байна. Тэднийг авто замын боомтоор шалган нэвтрүүлж, СОК-т хүлээлгэн өгчээ. Мөн "Петро Чайна Дачин Тамсаг" ХХК-ны 107 ажилтанг Замын-Үүдэд тусгаарлаж, тусгаарлалтын хугацаа нь дууссан тул гурван автобусаар татан авч, СОК-т хүлээлгэн өгсөн байна.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна