Ковидын халдвар авсан 21 тохиолдол шинээр бүртгэгдлээ

Админ
2021/01/16

Коронавирусийн халдвар илрүүлэх зорилгоор сүүлийн 24 цагт хийсэн шинжилгээний хариуг ХӨСҮТ-өөс танилцууллаа.

ХӨСҮТ-ийн Тандалт, судалгааны албаны дарга А.Амбасэлмаа "Нэгдүгээр сарын 15-ны өдөр улсын хэмжээнд 18,487 хүнд PCR шинжилгээ хийхэд 21 хүнээс коронавирусийн халдвар илэрлээ. Шинээр илэрсэн тохиолдлууд Улаанбаатар хотод бүртгэгдсэн. 

Тэдгээрийг задалж танилцуулбал,

Дөрвөн тохиолдол нь "Ачтан" эмнэлгийн голомттой холбоотой тусгаарлалтад байсан гэр бүлийн хүмүүс байна.

БЗД-ийн тохижилт үйлчилгээний ажилтан 56 хүнийг шинжилгээнд хамруулахад зургаан хүнд халдвар илэрлээ.
Өргөжүүлсэн тандалт хийж буй БЗД-ийн 17 дугаар хорооны оршин суугч зургаан хүний сорьцод халдвар илэрсэн.
Мөн гэр бүлийн хавьтал болж тусгаарлагдсан хүмүүсээс халдвар илэрлээ. Сүүлийн 24 цагт ХӨСҮТ-өөс 10, Цэргийн төв эмнэлгээс 20 хүн гарч дараагийн шатны ажиглалт руу буюу ХУД-ийн 300 ортой эмнэлэгт шилжсэн байна.


0
0
0
0
0
0

Холбоотой мэдээ


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна